究竟特區政府有多重視民意?之前有周潤發月旦特區施政,今日有「大哥」洪金寶發炮轟財政預算案、以及特區政府煲呔等三巨頭。洪金寶被記者問及對預算案評價,原先不想多說,但他似氣憤難平,仍是忍不住炮轟煲呔等三巨頭,完全沒有搞好醫療津貼、老人津貼及讀書津貼:

「唔係淨係嬲財爺,我嬲香港嗰三大巨頭,我都唔知佢哋為咗香港市民做過啲乜!」

「我住喺上水每日經過鄉公所,每朝早都見到好多老人家排隊,就係為咗一盒飯盒咋。你睇香港政府邊一隻眼睇過香港居民需要啲乜嘢?個個講就好聽滿口仁義道德,上知天文下知地理,做出嚟乜嘢都唔得!」

「大哥」意猶未盡,更將矛頭指向房屋問題,指責政府做法根本不是對症下藥,完全是一塌糊塗:

「應該起多啲居者有其屋,唔係批啲地畀商人去起屋呀!如果冇錢?不如買架印銀紙機自己印銀紙就得啦!完全都唔係呢種問題!」

大哥更越鬧越火,直言叫那些高官去感受低下層苦況:

「我真係希望佢地每人可以掉低三個月,如果個時有越南難民營,大家去越南難民營住三個月睇睇,然之後每日工資畀佢廿八蚊,要捱三個月,叫佢地感受下乜野感覺!」

當曾在少年時捱過不少苦、今天也算有成就、生活無憂的洪金寶,也對煲呔官員施如此「眼火爆」,煲呔施政、預算案如何令一般市民憤怒,恐怕,也不用童工多說了。

廣告