哼哼!無國界醫生成日話自己冇用捐款開支係行改費到,重傻到留條年報link回應,想證明佢地開支係幾咁均真,若然係一般市民,(或者佢都以為我係一般市民),佢年報入面所謂收支表,的確係呃到人,但係對一個睇左咁多年政府財政預算案同大企業年報,見盡政府同大企業,點樣左收右收啲數,無國界醫生所謂收支表嘅粗疏程度,真係連政府部門交畀垃圾會嘅撥款文件更不如,直情好似話畀人知:我係特登收埋啲數,等你睇唔到我浪費幾多捐款,吹咩!

首先,作為一個以捐款為主要收入機構,刊載於年報報告 、作為向公眾交待捐款用途的報告,竟然連一個非受助者直接用途開支的獨立財務項目都冇,所謂非受助者直接用途,即係就算你成個計劃用咗一千萬,若然受助者最終只可以淨收到等值於五百萬的現金/物資,那麼其餘五百萬,絕不能當作受助者收受捐助一部分,這是判斷受助機構是否有效率運用捐款嘅–項重要指標,連呢個項目都冇,即係話呢個機構運用捐款效率極低,驚畀人知佢地大花筒!

好了,再睇佢開支項目,其中「與項目直接有關工作」,即各類所謂人道 救助項目,高達八千幾萬,「支援性工作開支」,只有八百多萬,好了,「與項目直接有關工作」,並冇列出當中有幾多用於行政費、薪酬,究竟八千幾萬入面,受助者可以直接受到實質捐助有幾多?(我都未同你計扣除不同國家貨幣匯價、購買力、經濟情況呢類因素),反而將行政費、籌款經費,列作「支援性工作開支」,大約八百萬。

單係睇呢條數 ,就算信晒無國畀醫生,行政費佔項目開支近一成,比較樂施會成三成、公益金成四成,好似好有效率!但係當你知道,你嘅MPF只係收緊你幾個巴仙行政費,我個基金經理都係收緊我一成多少少行政費,但佢重可以出成十幾個月糧,你就可以知無國界醫生幾大洗!若然樂施會之流係葉繼歡,無國界醫生就係徐步高,只係九十九步同一百步之分,重有,連佢回應我篇文都認,佢地行政費不多於兩成!兩成呀!高過同我賺錢嘅基金經理行政費!唔通真係掛住NGO個朶,呃你錢重要講多謝呀!

重有「與項目直接有關工作」項目開支中,又有幾多用於非受助者直接得益之中?佢冇交待,為乜唔交待?一個可能性係冇任何浪費,但作為收受捐款機構,呢個係吸捐款賣點,冇理由唔大書得書,另一個可能性,就係呢筆錢入面,有好多流入非受助者口袋中,甚至連無國界醫生都計唔清,若然話當中只有六、七成可以直接落到受益者口袋中,計埋佢地承認嘅行政費,隨時我捐一蚊,只有五亳幫到人,仆街,咁邊個做咗吸血鬼先!

至於佢話盤 數有核數師核數,昨日特別搵一個核數師老友問,此君任核數師多年,有份同唔少國企、民企上市核數,佢話:「嗱,我地淨係做核數,唔係做查數,好似我以前做民企上市,只要佢交嚟盤數唔係太離譜,有單有據、有晒文件,我地唔會乜都問,就算太離譜,至多咪唔做,叫佢換核數師,致於乜野非謀利機構,更加唔理,求其有單有據就算,反正佢有冇駛大、我鬼知咩!至於有冇詳細披露畀公眾知,更加關我地核數師乜事?反正又唔關證監事,唔會要我地上身,公會、政府更加唔會理喇!係你先會問!」

咁講法,無國界醫生公開嘅帳目,究竟可以反映幾多真相呢?

廣告