以下是兩人的對話,因事情敏感,為保護兩人身份,故效法法庭做法,全以英文字母代替人名及團體名稱。

A:佢地知唔知依家好大鑊!睇下係咁跌,佢地知唔知係X有問題!佢根本亂嚟,遲早累到大家一鑊熟!

B:知!個個都知係X問題,T又木木獨獨,任阿X舞,成日諗埋啲唔work嘅野,重成日覺得好成功,已經好掂,講真,你都睇到,為乜你唔出聲?

A:車,佢係你地自己友,你又唔出聲!重有所F、G、H,佢地咪一樣頭擰擰!佢地全部唔敢出聲,唔想叫停,我地呢啲外人,出乜野聲!

B:嗱,說話唔可以咁講,今次大家拍住上,我地衰咗,你地都冇運行架!你知X幾難搞,F、G、H都唔敢講,費事朝見口、晚見面晤知點嘛,你地外人就唔同,就算佢嬲你,都唔駛成日見住!

A:說話就唔可以咁講!你估我唔會見到X咩!而且我地班大佬唔出聲,我地啲影相企側邊嘅人,何必自找麻煩?都係你出聲好!

B:咪搞!你知得罪X幾大件事,而且成件事又唔關我事,出乜聲呀 ,佢地成日幻想打埋後日果場會低位反彈,我地都冇人信,佢要發夢,咪由佢發多兩日!

A:咁即係點呀?

B:你唔敢講,我又唔敢講,又冇人敢講,咪當唔知,飲埋個tea,一陣去開會囉!

坐在一傍目睹兩個大男人,左推右推, 就是不敢說真話,不禁感嘆,為何某件事情弄致今天局面,事出必有因,只怪那些男人沒有用!

廣告