原本唔想再寫油魚事件,但係粉報又咁啱撞見李浮雲,畀李浮雲去解釋,佢淨係話自己非常關注今次事件,相信百佳高層今次會妥善處理。妥善?乜叫妥善?百佳拎果張印尼發出所謂合資格證書,連印尼政府都話要查下,為乜佢地無出口雪魚,可以有呢張證書出嚟?咁乜叫妥善?不認錯、死撐、無高層因此引咎辭職,叫乜能妥善?做錯事,冇人負責,呢種又係乜能野妥善處理?李浮雲!哈!連粉報都唔敢放A1,你可知你呢句解畫,係幾咁虛弱無力!連自己友想撐你,都撐唔到呀!

重好笑係,粉報話商界好擔心有人借呢件事,針對商人,又話李浮雲有咁多業務,好多野都管唔到,未必關佢事! 連撐李浮零都唔敢開名?唔係撐民主派!怕乜先!我淨係知,撐民主派、插李浮雲先唔敢開名,撐李浮雲唔開名?!有冇可能?除非粉報作個人出嚟撐李浮雲!

有個非常愛國愛港、根正苗紅大孖沙第二代同 我講過,有次同李浮雲大仔開個乜野政府諮詢委員會,大仔開會前大插香港營商成本高,打工仔貪得無厭,又話香港人工畀東南亞窮國高,自己畀咁「高」人工請香港人,對得住香港人有餘,重要蝕畀香港人,畀香港人鬧,真係冇理由!我賺你地錢,有錯咩!連呢個大孖沙第二代聽完都目瞪口呆,原來香港重有人刻薄過佢!佢即時心安理得好多!

為富而不仁,後果會點?睇下史書就知有乜收場!

廣告