You are currently browsing the daily archive for 一月 26, 2007.


乜野叫文人無行?只要看看李浮雲賣油魚,各大報章社評,就知揸筆的人,可以有幾高風骨,同樣,可以有幾能狗柒(真係忍唔住要講粗口!好在廣管局唔管互聯網!wordpress係美帝管有!)

除咗生果報社評,將油魚事件,直指李浮雲同百佳,其他報章社評,全部側側膊,唔多覺,跑去鬧政府,唔敢鬧李浮雲。

先睇最多學校紙、成日小生果報無道德嘅星球報先:

百佳明知油魚有問題,求很 其改過標纖,逃避法律責任,星球唔屌百佳不特止,重夠膽當全香港人、包括食咗油魚痾油市民係白痴,讚百佳反應快過政府:「這方面超市的反應比政府敏捷。去年十二月接獲投訴後,超市已經在店內張貼警告,」哈!賣假貨重有人讚,唔知下次星球社論會唔會讚埋賣假藥、賣假酒嘅騙子?咁樣嘅報紙、咁樣嘅社評,畀學生睇?真係教壞人,是非不分喇!星球高層,來自中大新聞系,原來中大新聞系,就是培養如此貨色的新聞工作者,一方面慶幸當年中大沒有收留我,另一方面,前警隊一哥李明逵,恐怕未算是中大之恥,因為中大之恥,真係大有人在呢!

重有白粉 報呀!成篇社論,半隻字唔提李浮雲同百佳,將所有責任推落周一鑊同食物安全中心身上,好呀!入口果個唔鬧,鬧就鬧政府,唔係有大公司為謀取暴利,置市民健康不顧,入口劣質食品,市民會食到痾血嗎?首惡不批,只會罵政府,曾幾何時,白粉報何嘗不是罵民主派只懂罵政府,不想、不敢罵始作俑者?難怪今天粉報和民主派成了同路人,只罵煲呔,因為他們不敢罵廣告米飯班主!

不過,最神奇還是敗報社論,不敢罵政府、更不敢罵李浮雲,那罵誰呢?竟然罵吃了油魚肚痾嘅市民:「其實,有市民表示早在去年9月就因吃了「鱈魚」出事的,如果當時發現問題就向食環署投訴,便可避免大批市民步其後塵,肚瀉難止了。」 嘩!咁都得?!唔怪得之無人睇你份報紙!

岳不群報就繼續其表面正義、實際仆街偽君子作風,輕輕罵百佳之後,筆鋒一轉,咬住政府不放,為何不知悉事情後,立即追查其 他有賣油魚商戶,即是說,李浮雲不是最仆街,因為其他人都係咁,千錯萬錯,都係政府錯!保皇之餘,又不失公信力第一嘅正義立場,好!夠假,張波好野!

最令我意外係,大公社論竟然屌百佳,果然有阿爺照係唔同,唔怕李浮雲,大公果然係真正最敢言報章,同生果一樣!唔怕李浮雲!

乜野叫文人無行,睇晒呢啲社論,市民自有公論!

好彩我從不自命文人,我只係一個揸筆爛仔,有乜唔能順眼,必定插死佢!

廣告
一月 2007
« 十二月   二月 »
1234567
891011121314
15161718192021
22232425262728
293031  

Blog Stats

  • 1,839,321 hits

文章存檔

Enter your email address to subscribe to this blog and receive notifications of new posts by email.

加入其他 176 位關注者

網誌分頁

廣告