孔慶東那罵港人是狗的言論引來香港網民強烈反彈，網上聲討孔慶東聲音此起彼落，但孔某接受《明報》訪問，仍不覺自己失言，有需要道歉收回言論，正如童工擔心，恐怕，今次事件，又會再引發另一場中、港矛盾。

怎知孔慶東事件未完，A又傳來網上留言，指有聲稱是醫人員，因不滿雙非孕婦不斷來港，引致工作壓力增加，所以在煲呔的香特首辦Facebook中，以「一群醫護人員的求救」名義留言，反映因雙非孕婦引致工作量大增的不滿，可是有關留言遭删除，引來網民指煲呔在Facebook打壓言論自由的指控，結果引來更多網民將被指删去的留言不斷重貼，以示抗議。童工到煲呔的Facebook看，真的有不少人貼上相同留言，借此抗議有人刪除醫護人員不滿雙非孕婦增加工作量的言論，那些留言內容大致如下：

「咁鐘意DELETE你慢慢DELETE啦!

============

一群醫護人員的求救！

宜家日日對住d 雙非！10個有8個都報假EDC, 次次寫20幾週個肚籮咁大！重要坐響產房出 面等到12點先入院！又乜都唔帶！紀錄唔帶 証件唔帶！連衛生巾BB尿片都無！又要同佢 查身世又要救仔！有d 等到阿B出哂屎先入 院！為的是平一晚住院費！可憐阿B要入仔 房！重要係當香港人計數！ 一晚可以收10個都係大陸人！重要叫我地講 普通話！有d 同事唔識講重比佢地d 老公話！ 打人？！都唔係第一次 ！報紙話第一滴 血？！流左好耐la! 比大陸人問候到習慣了！可憐香港太太！我地 都盡哂力去幫佢地！唔係想拖佢地（在電視見 到有個阿太咁話我地真的好傷心），但人道立 場佢地衝入黎生得都無奈地要執左先！ 各位太太！我地係真心想幫你地！只係對住d 大陸人真的用了我們太多extra 時間同資源去 處理佢地！（有時用要比佢捉住想走也不 行！） 我們也做到很洩氣，但政府也沒有幫我們。你 們可以為我們發聲嗎！？」

其他抗議留言：

「【再DELETE/HIDE POST 你就係出賣港人】

唔係我地而家想分化香港人同大陸人，而家香港有咁多問題，政府有冇想過幫我地？」

「我地香港人今次全部同聲同氣，你想DELETE POST？有冇人24小時ON DUTY先

係香港人既，請Share以下呢段文字出去，唔係我地而家想分化香港人同大陸人，而家香港有咁多問題，政府有冇想過幫我地先？」

面對如此局面，若煲呔及特區政府，以為刪除留言就等同可以「刪除」矛盾的話，難道真的要弄致一發不可收拾局面，他們才肯面對現實？