白鴿的黎志強突然宣布退黨參選，這不單對民主黨、甚至對整個港島泛民來說，也不是一件好事。泛民A來電，不論情況如何，對白鴿也不是一件好事，雖說未必會分薄甘威的選票，可是這個時候，搞出這樣一件事，總會令人想起白鴿總愛內鬥，事問，誰愛在這個時候，搞出這樣的事情？
不論說黎志強是因為有人煽動也好（盛傳那可是阿爺中人！）還是他自己的決定，今次事件，起碼說明了在白鴿中，有些遭地區批評、事事插手的中央大佬外，地區上，何嘗不是有大佬文化？一切，何嘗不是有那些地區小軍閥割據的局面？港島區沒有了馬丁、楊森撐場，要捧甘乃威這個小頭目上位，其他小頭目，真的會心悅誠服嗎？還不是心中各有所思、各有自己的盤算！
特別是，當那些大佬每天也在說，就算甘威民望不濟，我們也可以用白鴿名義，捧他上位的時候，那些地區小頭目心想，為何一定要捧甘威？為何不可以捧我？內鬨，也由此而起！變相成了自毀長城！
不禁要問，他們究竟是為了服務市民，還是為了爭上位？
搞完了一次黨內爭拗，又來了另一次退黨参選，泛民、白鴿，何時才會清醒，全心全意，搞好今次選舉？
甚麼叫親者痛、仇者快，現在白鴿理應明白！
只望，白鴿因此而流失的票，最終也是流向泛民候選人，雖然，有點一廂情願！
14 comments
Comments feed for this article
July 24, 2008 at 10:09 am
Anonymous
今次立法會選舉是泛民有泛民的亂，建制派有建制派的亂，雙方都是有苦自己知。
事實上，泛民之間互相廝殺，寸步不讓，爭取廿一席訊息已對選民起不了指示作用。現在要認真諗吓如何在這亂局中找到一個令選民出來投票支持泛民候選人的訊息。
公投研究生
July 24, 2008 at 12:35 pm
Anonymous
都話，出事梗係民主黨！
又，民建聯勢頭咁勁，不如就將成個選舉當成係對民建聯o既信任投票。
方公
July 24, 2008 at 3:25 pm
鋼之鍊金粉絲
本來俾白鴿黨那一票會流向泛民？你就想！
至少我那一票，一係俾甘氏，一係俾民建聯，一拍兩散，點都唔會益公民黨。至少幫民建聯，區內有乜民生事，搵佢地幫手都快一點。
July 24, 2008 at 10:02 pm
劣質狀棍
同意鋼之鍊金粉絲之見，小弟在情在理都唔會將我家既兩票投俾公民黨，一係保住民主黨，一係盡谷勞醫生。
July 24, 2008 at 10:48 pm
erynnyes
提醒鋼之鍊金粉絲君，童工係話白鴿一票流向「泛民」，唔係「公民」，家下港島區，除左民記同葉劉外，個個都自稱泛民！今次真係保皇有保皇內鬥、泛民有泛民內亂，我諗去到投票前，必定出現兩派內部互相搶票，再唔係搶對手票，而係搶自己友票！
July 24, 2008 at 11:49 pm
鋼之鍊金粉絲
首先多謝狀棍兄認同。
我知道探員你原文指嘅係話「泛民」而唔係「公文袋」，不過，一般人諗到餘下嘅泛民而投票俾佢地真係有作用的，就只係公文袋而已，係唔係先？谷勞醫生都唔錯，但係谷唔夠票。
我唔係白鴿粉絲，更加唔係甘氏粉絲(都從種種渠道，聽聞過一啲點解大家唔係好撐佢本人嘅理由)。但係，如果我投俾甘氏，其實係睇在佢在黨內同地區服務多年份上，支持支持從低做起，仲要係明知個黨回歸後已經唔受歡迎，都仲轉黨肯做嘢嘅人。
你睇劉XX，人地做埋愛國黨副主席啦，甘氏（同好多而家連黨內提名都無資格嘅區議員）而家仲有乜先？
嗰日馬丁李同記者話驚白鴿喺港島一席都無，好難翻身，我差啲爆粗，幾想問佢：好似你都有份伸一腳，而家你後唔後悔？
如果話喺黨內搞出大頭佛唔受歡迎，唔只甘氏一個啦。大家同一條船，除非佢衰到要佢退黨，馬丁李明知自已喺黨內有份量，如果唔係想公民袋獨大自毀白鴒招牌，而家風頭火勢，有乜理由唔撐佢先？
July 25, 2008 at 4:26 am
erynnyes
鋼之鍊金粉絲君，嗱，第二個區我就真係唔敢同妳拗，但係港島區，其實好多選民真係好鬼獨立思考，唔係打乜野招牌，就真係要投你一票，已經好多港島區選民同我講，佢上次投咗余小姐一票，今次，公文袋唔再駛佢地幫，要投下畀其他人，有人話投甘威、有人話投勞醫生、有人就話投老牛，今日先有人同我講，佢會同佢媽媽投黎志強！所以若然今次余小姐輸，我完全唔覺得意外，總之，邊個都好，泛民可以保住三席，唔好出現民記兩席、葉劉兩席，還得神落！
至於甘威，有啲野，我諗我會留番選舉結束之後先寫，至於妳提及劉君，若果同甘威比，劉君厚黑之術，絕對超過甘威、甚至今天泛民、愛國黨中，無一及其心狠寡情之能事：1991年，立法局仍是雙議席雙票制，他為保自己勝算，竟可於投票當日出賣拍檔，叫選民只投他，不要投拍檔一票，可以敢公開做得出咁野，啱晒做愛國黨中人，甚至做埋主席都應該喇！行得泛民呢條路，就應該有甘於食貧的心理準備，好難同愛國黨比較！
馬丁問題，都係果句，選舉結束之後，有機會再慢慢講，我好同意，今次呢單野，公文袋都有影響，輸家係整個泛民，但今次黎志強事件，恐怕唔關馬丁事掛！為乜支部會搞成依家咁、完全團結唔同？呢個先係最重要問題！搞成咁，點樣可以全力做好今次選舉，為白鴿保住一席呢？
July 25, 2008 at 12:36 pm
Anonymous
我屋企有五票。既然泛民在港島至多保三席, 我會視乎誰最有機會奪第三席, 然後將大部份票投在這人身上。
但無論如何, 在立法會選舉, 用槍指住我個頭都唔會投俾民建聯。
公投研究生
July 25, 2008 at 10:36 pm
av 港總裁
為了民生事投民建聯？come on，今次是選立法會議員，唔係街坊福利會委員，清醒一點啦。收到可靠消息，民建聯那些所謂第二梯隊，例如陳某、李某，質素其實好有限，又係既，稍有獨立思考能力的後生仔，又點會俾民記欺騙到！
July 26, 2008 at 2:45 am
橫豎不撐金賴貓，食住花生睇打交 « 案內人隨筆
[...] 橫豎不撐金賴貓，食住花生睇打交 Filed under: Blogging — Tags: 立法會 — 尹思哲 @ 2:43 am 睇完Erynnyes個扑，令我更深信不二，內訌這門藝術咱們中國人認了第二，誰都不要想認第一： 白鴿的黎志強突然宣布退黨參選，這不單對民主黨、甚至對整個港島泛民來說，也不是一件好事。泛民A來電，不論情況如何，對白鴿也不是一件好事，雖說未必會分薄甘威的選票，可是這個時候，搞出這樣一件事，總會令人想起白鴿總愛內鬥，事問，誰愛在這個時候，搞出這樣的事情？ [...]
July 26, 2008 at 3:05 pm
Anonymous
黎志強都算是地區小頭目？與我日日面對面的人，你是不是太抬舉了他呢？
上面有人話寧選DAB，對我此等非港島選民來說，真是感慨，我住唔到港島，想投陳太不果，想投馬丁不能，就算想投大狀都無機會，如果你這麼想投民記，好不好借個地址你到九西投票？有李慧、老鼠芬任你揀。
溫馨提示：九西最好住九龍城，因為可以投票俾王小二。（他無參選，希望佢應粉絲要求，重出江湖）
July 29, 2008 at 2:03 am
天下
黎強件事，絕對不是小事，同馬丁有冇關係，本君與探員的意見一定不同，不過在圈中認識黎強的人都知，佢係正牌馬丁粉絲，本年三月三十日白鴿黨開特別會大，鬧出冼雞過海空降風波，黎強當陣時就係幫馬丁手，四圍收集情報，當時本君仲相信馬丁會希望穩住大局，但奇怪在， 一個自知毫無勝算的人，自己又唔係有錢，又點會為一口氣，將大筆錢拋落鹹水海。認識黎強的，也知到他得把口，卻是膽小如鼠的性格，點解冇人問問，馬丁點解唔出手力壓黎強呢？點解馬丁一點反應都沒有，眼巴巴睇住港島支部四分五裂呢？就算是黎強反叛了，馬丁有講過一句繼續大力支持甘威嗎？正是司馬昭之心，唔通大家礙於馬丁的教父地位，冇人夠膽批評佢骨子裏用非直接方法出賣緊白鴿黨？
July 29, 2008 at 11:54 am
Anonymous
生果報今日話楊森有可能攞最尾一席, 唔係呀嘛?!
公投研究生
July 30, 2008 at 3:11 pm
MTL
楊森攞最尾一席，係呃人要先呃自已既招數，白鴿民調係看個別人既支持度，而唔係睇隊，此方式當然有其用處，但亦有缺失。楊森突然水漲船高，可能是港島人的”集體回憶”因素，但放回同隊伍上則又可能另作別論。現時鼓吹楊森攞最尾一席，只係想救甘威，而且仍可以藉此令不支持甘威的支部人士歸隊。
不過單方面提出一票公民，一票白鴿，恐怕會惹來公民強烈反彈，變成兩黨內門……恐怕此計又是甘威的蠶虫師爺想出來搞事的招數……..