最近除繼續很努力地工作之餘又工作，以及浪費時間搞那個唔知為乜夾唔知點玩、仍然要被迫參與、兼且真戲假做失敗、原本想壓線輸變壓線嬴的無謂遊戲外，近幾晚也會花小小時間，用那已封塵的PS3，玩玩那殺人放火打家劫舍的GTA IV，講真，開車橫衝直撞殺人唔駛填命夾有理冇理隨街捉住一個人就打，真係可以平衡心理，不過，其實最吸引我係，GTA IV 入面，那些模擬唐人街招牌，講真，若然那些憤青看到遊戲中中文招牌，肯定係百份百話侮辱中國人！

「皮蛋黄」？係咪笑緊阿Peter黃興桂？

「奔周」物業貨款？拿拿拿，又辱華勒！

「柯蘭詩」？擺明玩野!

波佳超市，即係寸成哥「波佳」啫！

「杏家富貴」出埋？美帝抹黑祖國用心果然兇險！

「騎呢」健康食品？講真，現實中好多健康食品，又真係好騎呢！

黃色網吧？擺明抹黑喇！

地中海髮廊？豈非恥笑中國人脫髮？

以上圖片，其實巳廣泛流傳於各大討論區，巳非甚麼新聞，那些網民，嘻笑怒罵一輪，也是一笑置之，畢竟，中國人要成為國際人，除了愛國之外，還要有幽默感與胸襟，甚麼事情也上綱上線，何必呢！或許，這正是香港人與那些憤青不同之處！

p.s.好明顯GTA IV 製作者中，一定有香港人、或者有講廣東話人，唔係，點會出現「奔周」呢個詞？阿煲呔好快快找他出來，塑造成香港成功人辦！